Digital jul på HVS

Ja, for i år vart juleavslutninga gjennomført på roleg vis, med samla klassar på kvart sitt klasserom. Men det stoppa ikkje kreativiteten! 

Skriv ut

Adventstida 

Adventstida har hatt sin eigen lille julekalendar her på HVS - eller, i alle fall ei form for nedtelling inn mot juleavslutninga. For på INSTA har JULORAMA skapt spenning blant både elevar og tilsette; - kven skjuler seg bak kvar maske?

Inspirert av "Maskorama", ja, og veldig kreativt og flott gjennomført. Kikar du innom Instagram for Haram vgs, kan du jo vurdere sjølv. Begynn i rett ende, med den "gamlaste" svarte ruta, så kan du gjette, du og. Maskefall var i dag, på siste skuledag før jul. Mange har nok tippa rett heile vegen, men absolutt ikkje alle. Premier blir det til uttrekte vinnarar.

Vel gjennomført, og gratulerer til vinnarane.
  

Juleavslutninga 2020 

Juleavslutninga i år vart og "via kabel og skjerm", som rektor sa i talen sin, men veldig koseleg - artig og koseleg!

Ønskjer du deg julestemning, bør du sette av ein halv time til Juleavslutning HVS 2020

Tusen takk for innsatsen, både dykk i 2ST, som sto for sjølve arrangementet,
og til alle bidragsytarar, intervjuobjekt og inspirasjonskjelder.

Og for oss som har sett den, tar vi gjerne ei reprise litt inn i jula!
  

No straumar ungdom, til fots og i bilar, ut frå HVS og skuleområdet.

Det er på tide å seie GOD JUL og SJÅAST PÅ NYÅRET.

Ha ei flott julefeiring, alle saman!