Dette krev godt samarbeid mellom ungdomsskolar, vidaregåande skolar, føresette og hjelpeinstansar som PPT, OT, helsesjukepleiar, BUP, barnevern og NAV.
Kommunen og fylkeskommunen har delt ansvar for overgangen, jf. opplæringslova § 9-5. Eleven sitt beste og retten til medverknad er leiande prinsipp.
Slik arbeider vi med overgangen
- Faget utdanningsval gir elevane kunnskap om yrke og vidaregåande opplæring.
- Karrieredagar blir arrangert i samarbeid med opplæringskontor og næringsliv.
- Hospitering i vidaregåande opplæring gir elevane erfaring med ulike utdanningsprogram.
- Vidaregåande skolar informerer om sine tilbod til elevane i ungdomsskolen.
- Foreldremøte og samtalar bidreg til at føresette får innsikt i valmoglegheiter og prosessar.
- Rådgivar i ungdomsskolen rettleier elevane i søknadsprosessen til vidaregåande.
- Skolane samarbeider om overføring av relevant informasjon med samtykke frå elev og føresette.
- Fylkeskommunen planlegger, gjennomfører og følger opp inntak
- Vidaregåande skolar tek imot nye elevar med trivselstiltak og oppstartsaktivitetar, som VIP-makkerskap og «bli kjent»-program.
- Kontaktlærarar og faglærarar har tidlege samtalar med elevane for å skape tryggleik og oversikt.
- Skolane organiserer klasselærarråd og ressursteam som følger opp elevane etter behov.
- Det blir informert om reglar, rettar og støtteordningar i vidaregåande opplæring.
- Skolane kaller inn til foreldremøte
Støttemateriell
Det er utarbeidd rettleiarar tilpassa ulike målgrupper:
“Oktobermelding” frå kommunen til fylkeskommunen
Kommunen skal innan 1. oktober melde frå om elevar i 10. trinn som vil søke fortrinn i inntak til vidaregåande opplæring. Dette gjeld elevar vil søke om fortrinn på grunn av sterkt nedsett funksjonsevne eller om fortrinn til eit bestemt utdanningsprogram.