Helse- og oppvekstfag

- Ønskjer du å jobbe med menneske, vere i lag med dei i ulike aldersfaser og hjelpe dei i forskjellige livssituasjonar?

Då kan helse- og oppvekstfag vere noko for deg.   

Vi tilbyr Vg1 Helse og oppvekstfag fyrste året.

Deretter kan du andre året velje anten;
- Vg2 Helsearbeidarfag (som filmen under gjev deg eit innblikk i)
- Vg2 Barne- og ungdomsarbeidarfag 
  (som du kan sjå nokre kvardagsglimt frå her: glimt1, glimt2, glimt3, glimt4)

Uavhengig av kva for retning du vel, bør du trivast med menneske og ha ei positiv innstilling i møte med både dei du skal vere til hjelp for og dei du skal samarbeide med. 

Du bør vere

• omsorgsfull og omsynsfull overfor menneske
• flink til å kommunisere
• god til å samhandle med andre

Du lærer

• om helsefremjande arbeid, for alle aldersgrupper
• om fysisk og psykisk helse
• om korleis kroppen er bygd opp
• om kost, ernæring og hygiene
• om kommunikasjon og samhandling
• om utviklinga til barn og unge, og korleis det er å eldast

Du kan bli

• helsefagarbeidar, ambulansearbeidar eller portør
• aktivitør eller barne- og ungdomsarbeidar
• Sjå alle yrke og kompetansar 
  (mange ulike yrke, avheng av kva for Vg2-program du vel deg etter Vg1)

Arbeidsstader

• sjukehus, kommunale og private helsetilbod ved institusjonar eller heimeteneste
• barnehagar eller skulefritidsordningar
• apotek, tannlege- eller legekontor
• fot- eller hudpleiesalongar 
  (To siste kulepunkt med døme på arbeidsstader, er berre aktuelle om du har gått Vg2-program etter Vg1 Helse- og oppvekstfag som vi ikkje tilbyr)

Vidare utdanning

Yrkesfagleg opplæring fører fram til yrkeskompetanse (med eller utan fag- eller sveinebrev).
Etter fullført yrkesfagleg opplæring kan du gå ut i arbeid eller ta vidare utdanning:

• Du kan ta vidare utdanning på fagskole. 
  Ei fagskoleutdanning er ei kort og yrkesretta vidareutdanning som er berekna på dei som har gått yrkesfag.
• Du kan ta eit ekstra påbyggingsår og få studiekompetanse.
  Du kan ta Vg3 påbygging til generell studiekompetanse- etter Vg2 eller- etter oppnådd yrkeskompetanse. Då har du opna moglegheita til høgare utdanning ved høgskole eller universitet. Hugs at nokre studium, f.eks. ingeniør-, realfags- og medisinske studium, føreset at du har visse realfag. Desse faga må på plass i tillegg til generell studiekompetanse, før du kan søkje slike studium.
• Gå y-vegen.
  Du kan også søkje opptak til høgare utdanning etter forkurs eller gjennom Y-vegen (yrkesfagleg veg til høgare utdanning). Y-vegen er for deg som har relevant yrkeskompetanse. Forkurs og Y-vegen er vanlegast innan realfags- og ingeniørstudium.