“Saman gjev vi barn og unge i Kenya håp om ei framtid!”
North-South Partnership Aid
HVS har tverrfagleg dag 31.oktober, for heile skulen.
På denne dagen skal du som er elev få innblikk i korleis internasjonalt hjelpearbeid blir utført, og få vite meir om organisasjonen NSP-Aid og arbeidet deira. Målet er at du samstundes skal få innsikt i det globale perspektivet generelt, få høyre om FN, om menneskerettar og andre viktige tema knytt til demokrati og medborgarskap.
Haram vgs har støtta opp om hjelpeprosjektet i Kenya i mange år no, og elevrådet vedtek årleg at dette ønskjer dei at skulen sine elevar skal fortsetje med.
Så det gjer vi!
Fredag 1.november er alle elevar ute i arbeid for føremålet - ta vel i mot dei!
Og til dykk som gjev ein elev arbeid fredag 1. november;
- Ved å gje ein elev eit dagsarbeid, støttar du arbeidet for å gje barn og unge i Kenya ei lysare framtid. Med din hjelp kan NSP Aid bidra der nøden er størst. Ein tenkjer langsiktig, gjev barn trygge forhold og utdanning. Saman kan vi syte for at enda fleire barn og unge i Kenya blir best mogleg rusta til å møte ei trygg fremtid.
Takk for hjelpa!
Og har du lyst til å gje eit bidrag, du også?
VIPPS til 526199 - då gir du til NSP Aid sitt Malaika Villages-prosjekt