Møtet er i auditoriet på skulen.
Auditoriet finn dykk i 1.etg., omtrent midt i skulebygget.
Parkering
Det blir arrangerer foreldremøte også for Vg1-elevane (frå kl. 17.30), slik t det kan vere få parkeringsplassar tilgjengeleg når dykk kjem. Vi rår difor til å parkere nede på ungdomsskulen.
Program
- Fellesinformasjon i auditoriet for foreldre/føresette med elevar på Vg2
- Klassevis informasjon med kontaktlærar
Fellesinformasjon
I første del av møtet vil rektor informere om Haram vidaregåande skule, og litt spesifikt for Vg2. Det blir og fokus på skulereglementet, Opplæringslova kapittel 12 - Skulemiljøet til elevane, og generelt om vidaregåande opplæring. Ein treng og velje ein representant og ein vara til skuleutvalget. Dette håper skulen å få på plass så raskt som mogleg og gjev informasjon i dette møtet.
Kontaktlærarane leier del 2 av møtet
Dei vil mellom anna orientere om utdanningsprogrammet og klassen generelt , og om det som skal skje utover i skuleåret. Skulen oppmodar dykk foreldre til å kome med ulike spørsmål dykk eventuelt må ha om Vg2, faga og elles skulen generelt.
Dersom nokon foreldre/føresette har spesielle ting dei ønskjer å drøfte med kontaktlærar, bed vi dykk om å ta dette med kontaktlærar etter møtet.
Godt samarbeid er viktig
Haram vidaregåande skule ser det som svært viktig at heim og skule har eit godt samarbeid. Heimen kan då få informasjon om eleven sin skulekvardag, og skulen på si side kan motta opplysningar som er verdifulle når vi skal leggje opp undervisninga for eleven. Igjen er det viktig at dersom de som foreldre/føresette har ting de ønskjer å snakke om, må de ikkje vere redd for å ta kontakt med skulen.
Om foreldre/føresette ikkje har moglegheit til å delta på foreldremøtet, er det fint om de gir beskjed til kontaktlærar. Då kan skulen enklare informere dykk i etterkant om det som blei gjennomgått på foreldremøtet.
Velkomen til Haram vidaregåande skule!
Med vennleg helsing
Håkon Sæterøy
Rektor